من أروع القصائد التي قيلت مع قصة(شعر شعبي)

بسم الله الرحمن الرحيم
هذه القصيده لرجل اسمه جحيش بن مهاوش الهشال السرحاني كان عنده ثلاث عيال اكبرهم اسمه علي هذا الشايب كبير بالسن وقبل كان قاضي بين عشيرته وجماعته ولكن كبر بالسن وقام ما يقدر يقضي حاجته ويالله على بابكم وليش ما يصير عندهم شح بأرضهم ويجتمع علي وأخزانه وقالهم انا بروح اشوفلي ارض علشان نرحل انتم تجهزوا بعد ثلاث ايام ان ماعودت لكم تجوني بالمكان الفلاني الزبده مشى علي وليه ما يجتمعن نخرات السوء على انهن يكلمن زواجهن يتركون الشايب بمكانهم ويقولون لعلي انت مشيت منيه هو مات منيه
الزبده والحريم كلن تحشي براس زوجه وثلاث ايام لين وافقوا الاثنين وحرمت علي والله ويوم واجهوا علي قالوا السالفه كيت وكيت
ليش ما الله يجيب اثنين متخاصمين على حق وقالو واحد منهم مافيه الا ابو علي يحل المشكلهخ ما يدرون انه كبر والله ويجون لمير ما يلقون الا خرابه واحد قال يا رجل هذا مبين انهم راحلين قال لاقرب شوي ولذاك الشايب السلام عليك السلام قالوا ما عينت لنا القاضي فلان قال انا قال ليش كذا صارلك وين عيالك قال والله عيالي رحلوا وخلون قالوا امش نوصلك قال لله والله ما اخطي يا بن الحلال نوديك لعيالك قال اذا انتم صج تبون تخدموني وصلوا هالابيات هذي لعلي

قال الذي يقرأ بليا مكاتيــــتـب يلي تقرون العمى من عماكـــــــم

يا عيال ياللي تشرفون المراقيــب تريضولي واقصروا من خطاكـــــــم

خوذوا كلام جحيش مابه نكاذيـــــب مثل السند مضمون للي وراكــــــم

ويا عيال وان صرتوا ضيوف ومعازيب ترى الكلام الزين ملحت قراكـــــم

وترى البلاسه من كبار العذاريـــب ترى البلاسه ما تطول لحاكـــــــم

يصير بعيون الرفاقه تقل شيـــــب ليا منه اقبل قيل هذا بلاكــــــم

المذهب المذهب ترى المذهب الطيـب وترى رديء المذهب يبور نساكــــم

يا عيال ما سرحتكم للمعازيـــــب ويا عيال ما عمر المعزب ولاكــــم

يا عيال ما ضربتكم بالمشاعيــــب ولا سمعوا الجيران لجة بكاكـــــم

يا تسعرت الخلايق تقل ذيــــــب اريد من صيد البراري غذاكــــــم

وياما قطعت من الفياض العباعيــب من خوف ما يقصر عليكم عشاكـــــم

احفيت رجلني بحامي اللواهيـــــب وخليت لحم الريم خالط عشاكـــــم

واليوم شوفوا لحيتي كلها الشيــب وشوفوا محل تخوضعي في ذراكـــــم

قمت اتوكأفوق عوج المصاليــــــب وقصرت اخطايا يوم طات خطاكـــــم

يا عيال يا عيالي عليكم مطاليــب عطوني القرضه جزا ما وتاكــــــم

خوالكم يا عيال هم ماكر الطيـــب ولو تتبعون الجد محد(ن) شناكــــم

يا عيال يا عيال الخنا كلكم عيـب ياعيال مدري كل هالردى منين جاكم

يا علكم في حاميات الاصاويــــــب ياللي على الوالد خبيث لغاكــــم

قصيتكم واسندت وادي سلاحيـــــــب ولقيت بالصبخا مدافيق ماكــــــم

يا عيال بعتوني بصفر العراقيـــب ما هي حقيقه سود الله قراكـــــــم

يالله عسى عماركم شمسها تغيــــــب ويعتم قمركم ثم يعتم سماكــــــم

شفت الجفا والحيف والغلب والريـب بأطلوعكم لابيض الله قراكـــــــــم

لابد ما هو عاوي(ن) دوني الذيـــب بالقبر ما فرق طيبكم من رداكـــم

ماني بفاضحكم وسط الاجانيـــــــب بأعمالكم يدرون كل اقرباكــــــم

لو كان تدرون الردى والمعايـــب صرتوا مع المخلوق مثل اخوياكـــم

منقول